Ngimmato ti presyo dagiti nateng kadagiti merkado publiko idiay Metro Manila iti agarup P30 tunggal kilo kasaruno ti napasaran a severe tropical storm Kristine.
Maibasar iti kauddian a monitoring ti Department of Agriculture (DA) idiay Metro Manila, ti retail price ti repolyo ket dumanon iti P80 agingga P150 tunggal kilo, nangatnagto no idilig iti presyo daytoy idi napalabas a P60 agingga P120 tunggal kilo.
Ti presyo met ti carrots ket ngimmato no sadino magatang daytoy iti P110 agingga P150 tunggal kilo; bell peppers iti P170 agingga P300 tunggal kilo bayat a ti retail price dagiti sili ket magatang iti P250 agingga P500 tunggal kilo.
Kabayatanna, kaaduan met kadagiti nadadael a nateng bayat ti panagdalapos ti bagyo a Kristine idiay Bicol region, Cordillera Administrative Region, Mimaropa, Western Visayas, Eastern Visayas ken Soccsksargen.
Iti baet dayta, kitkitaen metten dagiti maseknan nga opisina ti kaskenan a tulong para kadagiti naapektaran a mannalon.
