Bimmaba itan ti presyo iti kamatis kadagiti sumagmamano a pagtagilakuan iti pagilian.
Maibasar iti datos iti Department of Agriculture, dumanon iti 50% ti bimmabaan ti presyo iti nasao a produkto nu sadino, magatang laingen iti Php120 tunggal dagitoy manipod iti sigud a presyona a Php240 tunggal kilo.
Immuna metten a pinatta-patta iti nasao nga ahensya ti panagsubli iti normal a presyo dagiti kamatis kalpasan ti killaat a nalabes a panagngato iti presyo daytoy bayat ti iseserrek iti 2025.
Maipalagip a sumagmamano kadagiti umili ti nagreklamo gapu iti panagngato iti presyo iti kamatis iti Php350 agingga Php360 tunggal kilo bayat a simmangbay ti agdama a tawen.
Sigun iti Department of Agriculture, ti killaat a panagngato iti presyo iti nasao a produkto ket adda iti pakainaiganna iti panakaapektar iti suplay iti ngudo iti 2024 gapu iti panagdalapos dagiti nagsasaruno a bagyo.
