Posible a ngumato iti nasurok P80 tunggal litro ti produkto a diesel ita a bulan ti Marso, maibasar iti pattapatta ti Department of Energy (DOE).
Posible a mapasamak daytoy no agsasaruno ti pannakabalbaliw ti presio bayat a kumarkaro ti tensyon iti Middle East.
Sigun kenni DOE Oil Management Bureau Director Rino Abad, nakarkaro ti tensyon iti nagbaetan ti Estadus Unidos ken Iran no dilig iti Russia ken Ukraine.
Innayon daytoy a posible a dumanon iti P90 tunggal litro ti presio ti diesel bayat a posible a dumanon met iti P80 tunggal litro ti gasolina, no saan nga agsardeng ti tensyon ken agsasaruno ti panagngato ti presio ti lana.
Maibasar iti immuna a tallo nga aldaw a trading week, posible a ngumato ti gasolina iti P7.09 tunggal litro, bayat a ti diesel ket posible a ngumato iti agarup P15.33 tunggal litro.
