--Ads--
Inwaragawag ti Philippine Coffee Board Inc. (PCBI) a posible a ngumina ti kape iti pagilian gapu iti panagbaba ti lokal a produksion ken nangina a presyo ti panagangkat.
Sigun kenni PCBI spokesperson Ceasario Kapunan, posible a saan a dumanon iti 30,000 metric tons ti produksyon ti kape ita a tawen gapu iti epekto ti El Niño ken panagngato ti gastos iti produksyon.
Iti agdama, dumanon iti P650 ti tunggal kilo ti imported a Brazilian coffee beans, bayat a P750 agingga P900 ti tunggal kilo ti Benguet coffee beans.
Kabayatanna, posible metlaeng nga agbaliw ti timpla dagiti kape kadagiti café gapu iti nangina ken limitado a suplay ti imported beans.
