Impakaammo ni Japan’s Prime Minister Fumio Kishida idi kalman nga aglusolus daytoy iti pwesto inton sumaruno a bulan kalpasan dagiti agraraira a political scandals ken gapu iti panagngato dagiti living cost a nangdadael iti tallo a tawen a panagbalinna kas Prime Minister.
Sigun kenni Kishida kabayatan ti maysa a press conference, inyebkasna ti panggepna a saan nga agtaray iti sumaruno nga eleksyon kas dadaulo ti Liberal Democratic Party (LDP) gapu ta saan nga agkuri ti politika nu awan ti talek ti publiko.
Innayon ni Kishida a ti nasao a desisyonna ket para iti publiko, iti gandatna a mangisakad iti ‘political reform.’
Naituding a mangipatungpal ti Liberal Democratic Party (LDP) iti ‘contest’ inton Setyembre tapno mapili ti agbalin a kasukat daytoy kas dadaulo ti nasao a partido ken kas Prime Minister.
Maipalagip a bimmaba ti rating ni Kishida kalpasan ti panagtugawna iti pwesto idi tawen 2021 gapu kadagiti rebelasyon maipapan iti unification church kasta met ti slush fund a naidonar iti Liberal Democratic Party (LDP) fundraising a saan a nailista.
Kabayatanna, kinuna ni Koichi Nakano, maysa a propesor a saan a mabalin a tumaray ti incumbent prime minister iti presidential race malaksid nu sigurado daytoy a mangabak.
