BENGUET | Agtaltalinaed a generally peaceful ti probinsia ti Benguet iti umuna a quarter ti agdama a tawen.
Kalpasan daytoy ti Joint Provincial Peace and Order Council, Provincial Anti-Drug Abuse Council, ken ti Provincial Anti-Illegal Logging Task Force Meeting iti Provincial Capitol sadiay La Trinidad, Benguet, itay nabiit.
Sigun kenni Melchor Diclas, Governor ti probinsia ti Benguet ken dadaulo ti Provincial Anti-Drug Abuse Council karaman pay laeng ti probinsia ti Benguet kadagiti natalna ken naurnos a probinsia iti rehion ken iti entiro a pagilian.
Ti nasao a report ket indauluan dagiti 54th Infantry Battalion, Bureau of Fire Protection-Benguet, Provincial Environment and Natural Resources ken ti Opisina ti Provincial Social Welfare and Development Office ti nasao a probinsia.
