BAGUIO CITY – Bimmaba ti produksyon dagiti kangrunaan a mineral iti rehiyon Cordillera.
Sigun kenni Philippine Statistics Authority (PSA) – Cordillera Chief Statistical Specialist Aldrin Federico Bahit Jr., dagiti kangrunaan a mineral iti rehiyon ket ti gambang, bronse, graba, darat ken balitok.
Kinunana a kas maibasar iti panagadalda ket kimmapoy ti produksyon dagiti nasao a mineral manipud idi 2011.
Sigun kenkuana, ngimmato ti produksyon dagiti nasao a mineral manipud idi 2004 agingga 2008 ngem bimmaba idi 2010 ken 2011.
Maibasar iti datus ti PSA-Cordillera, ti probinsya ti Benguet ti addaan ti kadakkelan a mineral production sharing agreement a mangsaksakop iti 14,000 nga ektaraya a sinaruno ti Abra iti 2,000 nga ektarya.
Nakaipaay ti industriya ti panagminas iti 5,000 a panggedan kadagiti umili iti entero a rehiyon.
Impeksana met ti inanamana iti panakaisardeng ti agtultuloy a panagkapoy ti produksion dagiti nasao a mineral. (-with Bombo Florence Paytocan)
