BAGUIO CITY – Nagbalinen nga administratibo ti proseso ti panag-ampon ti ubing iti rehiyon Cordillera.
Iti interview ni Bombo Jez Lapizar kenni Felisa Singlan, Officer-In-Charge ti Regional Alternative Child Care Office (RACCO), saanen a masapul a dumalan iti korte ti panag-ampon ti ubing ngem kasapulan a maiproseso iti Local Social Welfare and Development Offices sakbay a maiproseso ti kasapulan a dokumento iti Regional Alternative Child Care Office nu sadino ditoyen a marepaso ken maipaima iti National Authority for Child Care (NACC).
Panggep ti panangpabaro iti proseso ti panag-ampon a mapapartak ken mapalaka ti panangadaptar ken tapno saan a nangina ti gastos iti daytoy.
Malaksid iti dayta, panggepna pay nga ipalagip kadagiti agtarigagay nga agampon a saanda nga agtalek kadagiti mailaklako a maladaga wenno ubbing iti social media.
