Inwaragawag dagiti opisial ti Department of Transportation (DOTr) a maikkat dagiti operators ken drivers a saan a nakapag-conslidate ti prangkisa kalpasan ti nailaylayon nga Abril a trenta a deadlinbe ti consolidation.
Nupay kasta, inlawlawag ni DOTr Undersecretary Ferdinand Ortega nga ipaayan ti Land Transportation Franchising and Regulatory Board (LTDRB) dagiti saan a nakapag-consolidate ti dua process.
Maipaayan dagitoy ti show cause, nu sadinno sungbatanda dagiti damag.
Gapu iti dayta, idagdagadag ni Ortega kadagiti saan a nakapagconsolidate a drivers ken operators a saanda nga agtuloy nga agpasada nu awan ti prangkisa dagitoy.
Immunan nga impakaamo ni Ortega a 59% nga operators ken drivers idiay Metro Manila ti nakapag-consolidate kas panagtulnogda iti programa ti gobierno a PUV Modernization Program (PUVMP).
Impaganetget ni Ortega a maiserra ita nga aldaw (Abril 30) ti consolidation dagiti Public Utillity Vehicles ken saanen a mailaylayon daytoy.
Maipalagip a nagrugi idi tawen 2017, panggep ti PUV Modernization Program a masukatan dagiti jeep iti lugan nga addaan ti Euro 4-compliant enginetapno makessayan ti prolusion, kasta met a masukkatan pay units a saanen a maikari iti dalan kas maitunos iti standard ti Land Transportation Office.
