Maal-allukoy ti publiko a makipaset iti local ken international job fair a maangay iti Baguio Convention Center inton Setyembre baente otso iti agdama a tawen.
Daytoy ket iti oras ti alas otso ti agsapa agingga alas singko ti malem.
Nu pay kasta, posible a mailaylayon ti naituding nga oras nu ado dagiti nakapila a job seekers.
Sigun kenni Romelda Escaño, ti PESO Manager designate, dumanon iti 3,900 a trabaho ti maidiaya locally bayat a 485 a trabaho met ti maidiaya internationally.
Impakaammo ni Escaño a nasken nga agala dagiti aplikante iti ado a kopya ti resumeda kasta met iti 2×2 ID ken daduma pay a requirements a mabalin a maaratda iti aplikasyon dagitoy.
Agsagana met laeng dagiti aplikante gapu ta posible a maipatungpal ti on the spot interview wenno mabalin dagitoy a madamag maipapan iti trabaho.
Innayon ni Escaño a rumbeng nga agaramat dagiti aplikante iti casual a kawes wenno formal attire ken liklikan ti sleeveless a badbado.
