Al-allukuyen manen ti COMELEC ti publiko nga agparehistro kadagiti registration sites iti siudad ti Baguio, kagiddan ti umadanin a panagleppas daytoy inton Setyembre trenta iti agdama a tawen.
Mabalin nga agturong laeng dagiti agparehistro iti kadakkelan a mall iti siudad, kasta met nga adda dagiti maidiay-diaya a voters registration kadagiti nagduduma a barangay iti siudad.
Daytoy ket tapno maliklikan ti atiddog a pila iti kanito nga umadanin ti deadline daytoy.
Maipalagip a ti register anywhere ket nangrugi idi Pebrero a dose, iti agdama a tawen.
Kabayatanna, pangpanggepen ti Commission on Elections (COMELEC) a mangisayangkat met iti general registration inton tawen 2026.
Panggep daytoy a tumulong tapno maikkat dagiti double registrants, dagiti pimmusay a botante ken dagiti immakar iti pagtaengan wenno pagnanaedan.
