Mapaspasaran dagiti puersa ti North Korea ti “mass casualties” iti gubat ti nagbaetan ti Russia kontra Ukraine, a sangaribu kadagiti puersa ti napapatay wenno nasugatan iti napalabas laeng a lawas iti Kursk region ti Russia.
Daytoy ket sigun iti pannakangiwat ti White House a ni John Kirby.
Saanen a dinakamat wenno nagkomento pay ti North Korea sekan iti misionda iti United Nations idiay New York ken nagkedked a nagkomento ti Russia seknan metlaeng iti misionda iti United Nation.
Maipalagip a bayat ti video address ni Ukrainian President Volodymyr Zelenskiy, kinunana a naawan ti adu a puersa ti North Korea ken impakaamona a bassit ti pannakasalaknib manipod kadagiti puersa ti Russia.
Idi laeng Lunes, impaakamo ni Zelenskiy a nasurok tallo ribo a suldado ti North Korea ti napapatay ken nadangran iti Kursk region.
Kinunana metlaeng ti opisial ti militar ti Estados Unidos a nagsagaba ti North Korea iti sumagmamano a gasut a casualty iti rehion ti Kursk.