Inwaragawag ti House Quad Committee a panggepda a maidatag ti inisial a report kadagiti panagimbestigarda maipapan iti iligal a droga, koneksionna kadagiti Philippine Offshore Gaming Operators (POGO), ken dagiti extrajudicial killings bayat ti administrasion ni sigud a President Rodrigo Duterte sakbay nga agsardeng ti Kongreso.
Sigun kenni Quad Comm lead chairperson Robert Ace Barbers, isubmitirda ti report sakbay nga irugi ti Kongreso ti panagrugi ti Christmas recess.
Naituding gamin inton Disiembre disi otso ti Christmas break ti House of Representatives.
Kinuna ni Barbers nga idatag ti Quad Comm ti progress report iti plenario tapno maiproseso iti kabiitan a panawen dagiti “legislative measures” a naipila ken maipila dagitoy.
Immunan a nangipili ti gakat dagiti mammanday-linteg a mangikagkagumaan a mang-“define” kadagiti extrajudicial killings (EJK) kas nakaam-amak a krimen ken mangdusa kadagiti mapanekneknan nga agbasol.
Insingasingda pay ti pannakaamyendar ti Republic Act No. 9165 wenno ti Comprehensive Dangerous Drugs Act of 2002.
