“Red Flag”, kasta ti panangiladawan ni Police Lieutenant Colonel Ma. Theresa Pucay, Chief iti Regional Anti-Cybercrime Unit – Cordillera nu agkiddaw ti kwarta ti makatkatungtong online nga agpakpakaammo kas “foreigner”.
Iti panakiuman ti Bombo Radyo kenni PLt. Col. Pucay, senyales tapno agdua-dua ti maysa nga indibidwal nu ti katungtongna online ket mangikari nga agpadala ti package ngem agkiddaw ti pagbayadna iti customs para iti shipping daytoy.
Sigun kenkuana, kadawyan a puntirya dagiti Love Scammer a biktimaen dagiti retirado nga empleyado iti gobyerno ken dagiti senior citizens gapu ta agparparang a dagitoy ti kaadwan kadagiti agrekreklamo iti nasao nga opisina ditoy rehiyon Cordillera.
Innayon ti opisyal nga adda ti maysa a kaso ti love scam a manarimaan ti panakadengngegna iti Trial Court idiay La Trinidad, Benguet.
Kabayatanna, ti online selling met ti “most prevalent” a modus dagiti scammer iti Cordillera nu sadino agparparang a ti panaggatang kadagiti signature gadget iti nalaka unay a presyo ti pakabikbiktimaan dagiti customer.
Sigun paylaeng kenni PLt.Col. Pucay, pakabuklanen nga innem a pulo ket siam (69) a kaso ti nagduduma a cybercrime ti nairekord manipod Enero agingga iti agdama a bulan.//Bombo Rob Dominguez
ang lagi po naming sinasabi, maging mapanuri kayo…at huwag po tayong click nang click…mag-isip po ng sampung beses bago kayo mag-click at huwag na huwag po kayong maniniwala sa lahat po ng mga katransact ninyo through online dahil hindi niyo po nakikita personally at hindi ninyo alam yung kanilang personal identity.
