Aw-awagan ni Gregorio Retuta Jr., Chief Registration Division ti Land Transportation Office(LTO)-Baguio dagiti motorista nga apanda alaen iti opisina dagitoy dagiti replacements plates a binayadanda.
Iti interview ti Bombo Radyo kinuna a mabalin nga iclaim dagiti motrista ti binayadanda a plaka, no sadino available itan ti ending 1,2, 3, 7,8, ken 9.
Iti panagclaim kadagiti plaka, ipakita laeng ti photocopy ti Official Receipt wenno ti valid ID apaman daytoy.
Sigun kenni Retuta, nabayagan ti pannakaideliver dagiti plaka gapu paylaeng kadagiti nagduduma a rason.
Kabayatanna, inyebkasna ti kinapateg ti panagala ti LTMS portal apaman nga agaplikar ti maysa nga indibidual iti lisensya.
Innayonna a silulukat ti opisina dagitoy a mang-assist kadagiti agparehistro kasta met nga avalible dagitoy a mang-assist kadagiti senior citizen a marigatan nga agaplikar babaen ti panagusar ti computer.
Iti agdama, manamnama a mangipaay dagitoy ti plastic license cards inton sumarsaruno.//Rosemarie Bulsao
