Insingasing ni Senate President Pro Tempore Panfilo “Ping” Lacson ti retribution plus restitution formula kadagiti karaman iti naanomalyaan a flood control ken daduma pay nga infrastructure projects.
Sigun kenni Senator Lacson, mabalin a maipaayan iti nabibiit a panawen a panakaibalud dagiti karaman kadagiti naanomalyaan proyekto a mangisubli iti 80% kadagiti imbulsada a kwarta iti gobyerno ken umili a Pilipino.
Babaen iti daytoy, mapatta-patta a saan a bumaba iti ₱26 billion ti mabalin a maisubli kadagiti Pilipino manipod iti ₱629 billion a balor iti naanomalyaan a flood control projects sipud 2023 agingga 2025 nga immunan a naduktalan a ghost.
Ti ₱629 billion ket balor dagiti 421 a proyekto a naberipikaren a ghost — 5.26% paylaeng iti 8,000 a flood control projects a sinukimat iti Department of Economy, Planning, and Development (DEPDev), Philippine National Police (PNP), ken ti Armed Forces of the Philippines (AFP).
Iti baet ti panangisingasing ni Senator Lacson iti nasao a pamay-an, inlawlawagna a nakadepende daytoy iti political will dagiti mangipatpatungpal iti imbestigasyon a pakairamanan iti Independent Commission for Infrastructure (ICI), Office of the Ombudsman, Department of Justice, ken ti judiciary.
