Mapapati a naipaayan iti clearance iti House of Representatives ni Leyte 1st District Rep. Martin Romualdez tapno agbiahe idiay Singapore, sigun iti abogadona
Daytoy ket maisupadi iti immuna a kinuna iti Office of the Ombudsman a saan daytoy a saan a napaboran ti travel request ni Romualdez.
Inlawlawag ni Ombudsman Jesus Crispin Remulla a ni Romualdez ket adda iti sidong iti Immigration Lookout Bulletin Order bayat nga agtultuloy ti imbestigasion seknan iti mapapati a flood control scandal, isut gapuna a saanda nga inrekomendar ti panagikkat iti pagilian ken impaganetgetda pay a nasaysayaat nu iti Pilipinas laengen daytoy nga agpaagas.
Ngem inlawlawag iti abogado ni Romualdez a ni Atty. Ade Fajardo a saan daytoy a travle ban, nu diket simple a koordinasion laeng iti immigration, ken impaganetgetda a naipaayan iti travel authority ti mammanday-linteg.
Iti maysa a video, kinuna met ni Romualdze nga agbiahe daytoy idiay Singapore manipod idi Abril 20 agingga Mayo 4 para iti follow-up checkup kalpasan ti angioplasty ken inkarina nga agsubli iti pagilian ken agtalinaed nga available para iti pagrebbenganna iti Kongreso.
Kabayatanna, nagkiddaw iti Office of the Ombudsman iti precautionary hold departure order kontra kenkuana seknan iti imbestigasion iti mapapati a P56 bilion a flood control kickback scheme, nu sadinno nailasing nga addaan iti nangato a posibilidad nga agtalaw ken posible a nairaman maibasar kadagiti testimonia ken affidavit ti sumagmamano a personalidad kas ken ni sigud a Congressman Elizaldy Co ken dagiti saksi a nagparang kadagiti panagdengngeg ti Senate Blue Ribbon Committee.
