--Ads--
BAGUIO CITY – Maipasidong iti forensic examination dagiti skeletal remains ti mapapati a soldado a nakali sadiay Abatan, Buguias, Benguet idi napalabas a lawas.
Maibasar iti report ti Buguias PNP, agkalkali ti grupo da Engr. Michael Bagingao para iti pundasyon ti mapaspasdek a public market ti nasao nga ili idi nasarakanda dagiti nasao a rurog.
Dagusda nga inreport daytoy iti Buguias PNP.
Nasarakan pay ti maysa a helmet ken paris ti combat shoes.
Narekober met dagiti nagresponde a pulis dagiti rurog ken kinabilanda iti cordon ti nasao nga excavation area para iti posible a panakadiskobre no adda pay ti dadduma a makali sadiay.
