Saan a bummaba iti lima pulo a tattao ti pimmusay, bayat a na-trap dagiti sumagmamano a “survivors” wenno nakalasat idiay Guatemala kalpasan a natnag ti bus manipud iti rangtay.
Natnag ti bus iti narugit a rangkis, sigun iti pannakangiwat ti fire department.
Agdaldaliasat ti napunpunno a bus iti kabesera manipud iti ili ti San Agustin Acasaguastlan iti ruta a sumrek iti siudad ti Guatemala manipud idi nagdisso iti agarup 20 a metro manipud Puente Belice, maysa a rangtay ti haywey a bumallasiw iti kalsada ken karayan.
Sigun ti pannakangiwat a ni Carlos Hernandez, naipatuloden dagiti bangkay ti 36 a lallaki ken 15 a babbai iti maysa a provincial morgue a naipasdek para iti aksidente.
Maimatangan iti social media dagiti ladawan ti bus a nailumlom iti narugit a danum a napalikmutan kadagiti bangkay dagiti biktima.
Gapu iti napasamak, indeklara ni Guatemalan President Bernardo Arevalo ti tallo nga aldaw a nasional a panagleddaang ken nangibaon daytoy iti suldadona ken disaster agency tapno tumulong kadagiti panagregget a maipatungpal sadiay.
