BAGUIO CITY – Ibalbalakad ti City Government of Baguio a saan pay nga agtuloy ditoy siyudad dagiti turista a non-resident kabayatan a maur-uray ti sungbat ti IATF ken Department of Tourism iti pammalubos ti panagserrek dagiti turista kabayatan ti General Community Quarantine (GCQ).
Sigun kenni Atty. Althea Alberto ti City Mayor’s Office, temporaryo a bal-balakadanda dagiti turista a naka-book tapnu saanen nga ituloy dagitoy ti panagsarungkarda ditoy siudad nupay nakaalan dagitoy ti QR tourism pass.
Kinunana nga iti sidong ti GCQ ket maipawpawil ti aniaman nga aktibidad iti turismo.
Nupay kasta, kiniddaw ti city government ti panakaituloy ti turismo nupay mairtengan ti iseserrek dagiti turista ditoy siudad malaksid a napintas ti panakaimaton dagiti kaso ti COVID-19 ti siudad.
Manamnama met ita nga lawas ti desisyon ti IATF ken DOT iti nasao a kiddaw ti siudad.
