Mapukpukaw dagiti sangapulo ket innem nga indibidual pakairamanan dagiti sangapulo ket dua a foreign nationals kalpasan a limned ti nagluganan dagitoy a tourist boat iti Red Sea idiay Egypt.
Sigun iti Red Sea Governorate, naglaon ti nasao a bangka iti uppat a pulo ket uppat nga indibidual pakairamanan dagiti tallo pulo ket maysa a turista, ken sangapulo ket tallo a crew no sadino paturong dagitoy idiay Marsa Alam idi limned ti nasao a bangka.
Naispal met dagiti dua pulo ket walo nga indibidual bayat a dadduma kadagitoy ket nagsagrap iti minor injuries.
Kinuna ni Red Sea Governor Amr Hanafi a kaaduan kadagiti pasaheros ket adda kadagiti cabins rason a saan a dagus dagitoy a nakaruar.
Makikokoordinar metten dagitoy iti gobierno sadiay nangruna dagiti pamilya dagiti biktima.
Impasigurado pay dagitoy ti kaskenan a tulong para kadagiti naispal a biktima kasta metten dagiti biktima a mapukpukaw.
