Sinuspindir ti Land Transportation Franchising and Regulatory Board (LTFRB) dagiti sangapulo ket lima a public utility buses kasaruno ti nagsisinaruno nga aksidente sadiaay Tarlac City Toll Plaza partikular iti Subic-Clark-Tarlac Expressway.
Maipalagip a sangapulo ti pimmusay iti daytoy bayat a tallo pulo ket pito ti nadangran pakairamanan ti unit ti Dagupan Bus.
Sigun iti Land Transportation Franchising and Regulatory Board (LTFRB) dagiti nasao a buses ket naipasidong iti Case No. CO-EB-2025-04-058 no sadino nasuspindir dagitoy iti tallo pulo nga aldaw.
Naibilin metlaeng kadagiti operator dagitoy nga isuko dagitoy dagiti physical plates dagiti nasuspindir a units dagitoy iti Land Transportation Franchising and Regulatory Board (LTFRB) Legal Division.
Malaksid iti dayta, maipasidong pay dagitoy iti road safety seminar para kadagiti amin a drivers a naidesignar kadagiti units, mandatory drug test ken dadduma pay.
