BAGUIO CITY – Manarimaan ti panangipatungpal ti Sangguniang Kabataan Federation (SKF) ti Baguio iti School Supplies Pantry ditoy siudad.
Sigun kenni Councilor Levy Lloyd Orcales, presidente ti SKF-Baguio, adda dagiti scheduled activities para iti panakaiwaras dagiti libre a school supplies.
Kinunana a narugianen ti programa kadagiti pagadalan sadiay Pinget.
Inlawlawagna nga iti baet ti panakaipatungpal ti online classes dagiti ubbing ket kasapulan latta dagitoy ti school supplies.
Dinakamatna a napili laeng a pagadalan dagiti ipaayanda iti daytoy ken manamnama a maituloy manen ti panagwarasda inton Setyembre kagiddan ti panagrugi ti klase.
Kagiddan iti daytoy, guyguyuguyenna met dagiti agtarigagay a tumulong iti nasao a programa dagitoy tapnu ad-adda a manayonan dagiti maiwaras ken matulungan dagitoy nga studyante iti siudad.
