Dumanon iti 1,375 ti bilang dagiti estudyante iti Grade 7 ti nakidar-ay iti orientation ti Baguio City National High School ita nga aldaw kas paset ti opisyal a panaglukat ti klase iti School Year 2024-2025.
Iti nasao a programa, impanamnama ni Principal Whitney Dawayen a maaywanan amin dagiti estudyante nga agadal iti nasao a pagadalan, kasta met dinakamatna nga awanen ti parikut kadagiti classrooms a maaramat.
Malaksid iti dayta, impasigurado metlaeng ti principal nga umdas ti bilang dagiti mannursuro tapno maakomodar amin dagiti estudyante.
Kagiddan ti nasao a programa, naiyam-ammo met kadagiti estudyante iti nasaom a grade level dagiti agbalin nga adviserda.
Kasta met a nagyaman ni Principal Dawayen kadagiti nagbalin a partners, kadagiti stakeholders, ken kadagiti boluntrayo a timmulong kadagiti mannursuro para iti panagsagana dagitoy iti panaglukat ti klase.//Bombo Jez Lapizar
