Nagkiddaw iti pammakawan ti nagviral a security guard gapu ta dinadaelna ti lako ni sampaguita girl, Disyembre idi napan a tawen.
Inaklon ti security guard a napukawan daytoy iti pasensiya rason a pinapanawna ti 22-anyos a babai ken dinadaelna pay ti lakona a sampaguita.
Impakaammo met ti security agency a saan a naikkat ti maseknan nu di ket temporaryo laeng a nasuspendir bayat a manarimaan ti imbestigasyon.
Impanamnama pay ti maseknan a security agency a mangipaay daytoy iti kanayonan a programa ken training para kadagiti empleyado tapno maliklikan ti kapada nga insidente.
Sigun pay iti security agency, nabagaanen ti security guard a saanna nga ul-uliten ti inaramidna ken kanayonna a laglagipen dagiti napintas nga adal a naisuro iti training dagitoy.
