Kidkiddawen ni Senador Imee Marcos iti gobierno ti pannakasuspender ti Value-added Tax (VAT) kadagiti produkto a petrolyo.
Panggep daytoy a maibalanse ti epekto ti agtultuloy a panagngato ti presio ti krudo iti sektor ti agrikultura ken mangngalap.
Sigun kenni Senator Marcos, marikrikna ti kinadagsen ti gastos iti diesel kadagiti nagduduma a paset ti pagilian.
Dadduma pay kadagiti mangngalap ti dandanin agsardeng ken posible a malugi gapu iti kinangina ti krudo.
Gapu iti dayta, insingasing ti senador ti temporaryo a pannakaikkat ti VAT iti petrolyo, para kadagiti municipal fisherfolk ken rehistrado a commercial fishing operators ti Bureau of Fisheries and Aquatic Resources (BFAR).
Sigun pay kenni Senator Marcos, no kabaelan ti gobierno nga ipaay ti tax relief kadagiti dadduma a sektor, nasaysayaat a maun-una a maipaayan iti tax relief dagiti sektor a kangrunaan a pagtataudan ti taraon iti pagilian.
