Impetteng ni Senate President Pro Tempor Panfilo Lacson nga ebidensiya ti nagbalin a basaran ti insumitir ti Senado nga draft report ken rekomendasyon seknan iti imbestigasyon iti maatap nga flood control scams iti pagilian a Pilipinas.
Kalpasan daytoy iti dinakamat ni Ombudsman Jesus Crispin Remulla nga panangpulitika ti nagbalin a rekomendasyon ti senado seknan kadagiti adda pakainaiganna iti flood control issue kas da Senators Francis “Chiz” Escudero, Jinggoy Estrada, ken Joel Villanueva.
Sigun kenni Senator Ping Lacson, nalawag kenni Ombudsman Jesus Crispin Remulla kas sigud a mammanday-liteg ti garaw ti pulitika iti Kongreso. Innayonna a testimonials ken documentary evidences ti innaramat dagitoy kas basaran tapno mabukel ti nasao a rekomendasyon.
Inlawlawag met laeng ni Lacson a ti nabaliwan laeng iti draft report ket ti sumagmamano a termino a mangibagbaga iti pannakaisayangkat nga umuna ti preliminary investigation.
Kasapulan met a makaala ti nasao a draft report iti saan a bumaba nga sangapulo ket maysa a pirma manipud kadagiti miyembro ti komite tapno maisumitir daytoy iti Senado para iti pannakaadal daytoy.// Bombo Karen Calpoe Sapirao
