Inaklon idi kalman ni Senador Mark Villar nga agladladingit daytoy iti pannakakemmeg ni sigud a President Rodrigo Duterte ken nagapela iti “fairness” ken “compassion” para iti 79-anyos a sigud a dadaulo ti Pilipinas.
Iti social media page, kinuna ni Villar a naladingitan isuna gaputa saan a naipaay ti takder ni Duterte a maipasidong iti “trial” iti bukdona a pagilian.
“Mr. President, I hope that you are in good health and being treated well. I’m sad that your simple wish to be judged by the Filipino people did not reach fruition. I continue to pray that you will be given the fairness and compassion that all Filipinos deserve.”
SENATOR MARK VILLAR
Nilagip ti senador no kasano a tinulonganda ti maysa nga inheniero a ti balasangna ket makilablaban iti kanser.
Nagserbi ni Villar kas Public Works secretary bayat ti termino ni Duterte, ken daytoy ti nangidaulo iti “infrastructure program” a naawagan ti “Build, Build, Build.”
Nangabak ni Villar iti senado idi tawen 2022 kalpasan a nagtaray iti sidong ti partido a “UniTeam,” nga ita ket nagsinan.
