Impetteng ni Senator Erwin Tulfo a saan a lehitimo ti naisayangkat a pangdengeg ti Senate Blue Ribbon Committee idi Hunyo 4.
Iti opening statement daytoy iti senate hearing ita nga aldaw, dinakamat ti senador a saan nga otorisado ti panangisayangkat ti Cayetano bloc iti panagdengeg.
Sigun kenkuana, naisayangkat ti nasao a committee hearing iti ruar ti senate rules ken proseso ti institusyon.
Kagiddan dayta, pinaglibakan ti nasao a senador ti alegasyon dagiti 18 ex-marines kontra kenkuana a nakaawat daytoy iti kickback manipud kadagiti naanomalyaan a flood control projects.
Sigun kenni Senator Erwin, awan ti inpresenta dagitoy nga anyaman a dokumento wenno anyaman nga ebidensya tapno paneknekanda ti alegasyonda kontra kenkuana. //bombokaren.c.sapirao
