Nangipila ti kampo ni Senator Jinggoy Estrada iti Motion for Reconsideration iti Sandiganbayan Fifth Division tapno kidawenna a baliktaden ti nasao nga ahensya ti desisyon ti korte a panangibasura iti kidawna a mapagpiyansa daytoy iti kaso na a plunder.
Nagramot daytoy iti panangibasura ti Sandiganbayan idi Hulyo 24 iti umuna a motion to fix bail ti senador.
Sigun iti desisyon ti korte, premature wenno nasapa unay ti mosyon daytoy. Inlawlawag ti anti-graft court a ti kaso a plunder ket addaan iti pannusa a reclusion perpetua wenno tungpal biyag a pannakaibalud. Gapu iti daytoy, saan nga otomatiko ti panagpiyansa ken kasapulan nga umuna ti evidentiary hearing tapno maamuwan nu nadagsen wenno saan dagiti ebidensya.
Kidkiddawen met ita ti kampo ti senador nga ikonsiderada ti resolusyon daytoy ken mangi-isyu da manen iti baro a desisyon a mangpalubos a makapagpiyansa ti senador.
Maipalagip a nairaman ni Estrada iti kaso a plunder gapu iti maatap a pakainaiganna iti P573 milyon a kickback manipud iti flood control projects. //bombokaren.c.sapirao