Inawagan ni Senator Loren Legarda a “false and baseless” ti akusasyon ti Office of the Ombudsman a nagkikumplot daytoy iti anakna a ni Batangas Rep. Leandro Leviste tapno magun-odda ti kontra para iti solar energy project ti pagilian babaen iti legislative ken regulatory actions.
Sigun kenni Legarda, kanayun nga iggemna ti integridad nga ipatpategna iti intero a panagtakemna iti serbisio publiko sipud pay idi 1998.
Innayonna nga awan nakaibatayanna ti alegasion ken maysa nga aramid a panangdadal kekuana.
Kabayatanna, kinuna ni Legarda nga awan paylaeng ti naawat na a komunikasion manipud iti Office of the Ombudsman seknan iti naipadamag a preliminary investigation.