Kinuwestionaran ni Senator Raffy Tulfo ti kredilidad dagiti 18 ex-marines iti naisayangkat a consultative meeting ti Senate Blue Ribbon Committee iti Hunyo 8 kagiddan iti saan dagitoy a panagatendar iti panagdengngeg iti laksid nga inimbitaran dagitoy ti Senate Secretary.
Sigun kenni Senator Erwin Tulfo, agduadua daytoy iti panangawag kadakuada nga “18 marines” gapu ta saanda met amin a sigud a miyembro ti Philippine Marines.
“Simulang-simula pa lang na tinawag silang 18 marines, may panlilinlang na agad. ‘Yung bansag na 18 marines ay isang paraan upang pabanguhin sila sa publiko,” sigun kenni Senator Erwin.
Inlawlawagna a nangato ti panagkita ti publiko kadagiti marino ngem sigun kenkuana, kaaduan kadagitoy ket saan a naglepas iti serbisyo militar a nadayaw.
Innayonna gamin a sumagmamano kadagitoy, nadischarge without honor wenno na-dishonorably discharged manipud iti serbisyo kadagiti nagduduma nga isyu.
“Hindi naman po silang lahat ay dating marines. At mahigit kalahati sa kanila ay discharged without honors or dishonorably discharged from service for various offenses,” innayon daytoy.
Nagballaag metlaeng ti senador kadagiti kakaduana a senador manipud iti panagipaay ti titulo a “bayani” kadagiti indibidual nga adda pakainaiganna kadagiti kontrobersyal nga alegasyon.
Impetteng metlaeng ti senador ti panagaklon dagiti nagpaam-ammo nga ex-marines a naaramatda iti panangipatulod kadagiti kickbacks kadagiti nagduduma a personalidad, rason tapno awaganna dagitoy a maysa a sindikato.
“Tatawagin mo ang mga taong umamin naman na nag-deliver ng mga kickback sa kung sinu-sinong poncio pilato. So therefore, matatawag silang sindikato. So kung tatawagin mong bayani ang isang sindikato, sindikato ka rin,” inwaragawag ti nasao a senador.
Malaksid iti dayta, pagduaduaan ni Senator Tulfo ti dinakamat ti grupo a nakaawat dagitoy iti iPhone 16 idi 2024 kasukat iti panagtalnada seknan iti maatap a flood control “maleta” scheme.
Sigun iti senador, rumrumar a saan nga agtunos dagiti statement da gapu ta ti dinakamat dagitoy a moderno nga smartphone ket naiparuwar laeng iti pre-order daytoy idi 2025.
Kinuwestionaranna metlaeng ti dinakamat dagitoy a money charger idiay Makati no sadino maatap nga maisuksukat iti US Dollar dagiti dadduma a pondo nga adda pakainaiganna iti alegasyon.
Sigun kenkuana, awan ti rekord ti money changer idiay Pearlbank Building.
Innayonna pay a kasapulan a makumpirmar dagiti dadduma nga akusasyon dagiti nagpaam-ammo nga ex-marines. //bombokaren.c.sapirao
