--Ads--
BAGUIO CITY – Sinuspinder ni Mayor Mauricio Domogan ti klase dagiti elementaria ken sekondaria iti amin a pagadalan iti siudad iti malem ti Enero 27, aldaw ti Biernes.
Daytoy ket para pay laeng iti pannakikaykaysa ti siudad iti Chinese New Year parade a mangrugi iti alas tres ti malem iti nasao nga aldaw.
Maibasar iti Administrative order no. 008 nga impaulog ti mayor, masuspinder ti klase dagiti nasao a lebel iti pribado man ken para publiko a pagadalan.
Kinuna ti mayor a daytoy ket tapno maaddaan iti gundaway dagiti ubbing nga agbuya iti namaris a parada.
Mangrugi ti parada iti Session Road nga agturong iti Melvin Jones Football Ground iti siudad ti Baguio.
