Ad-adda a kaykayat dagiti indibidual nga agar-aramat iti iligal a droga ti shabu nu idilig iti marijuana iti rehiyon Cordillera.
Daytoy ket kas maibasar iti panagadal ti Philippine Drug Enforcement Agency – Cordillera.
Inlawlawag ni Assistant Regional Director Christy E. Silvan a numan pay masarakan ti “plantation sites” ti marijuana iti nagduduma a lugar iti rehiyon Cordillera kas iti Benguet ken Mountain Province, saan a daytoy ti rason ti pannakatiliw dagitoy nu diket gapu iti shabu.
Sigun pay kenni Silvan, umdas ti suplay ti shabu isu’t gapuna a nalaka a magatang daytoy.
Patien ti PDEA a pilpilyen dagiti “drug personalities” ti shabu gapu ta nalaka a mailemmeng ti kontrabando bayat ti panangibiahe iti uneg ken ruar iti rehion Cordillera.
Nupay kasta, agtultuloy latta a mangipatpatungpal ti PDEA, PNP Cordillera, ken dadduma pay a pannakabagi ti linteg iti panagregget kontra iti iligal a droga tapno malapdan ti panagmula ken panangibiahe.
