Nawayawayaanen idi rabii ti sigud a TV host a ni Jay Sonza kalpasan a nairuwar ti clearance manipud iti National Bureau of Investigation.
Immunan a nangipaulogen ti Pasay City Regional Trial Court Branch 118 kalpasan a makapagpiyansa ti P10,000 ti sigud a broadcaster.
Maipalagip a naaresto ti sigud a broadcaster iti pagtaengan idiay Quezon City ita a lawas gapu iti maatap a panangiwarasna kadagiti peke a medical record ni president Ferdinand Marcos, Jr.
Nangipila metten ti kampo ni Sonza ti motion to quash iti kaso daytoy no sadino addaan ti maysa a bulan ti korte nga agdesisyon.
Kabayatanna, iti iruruwar daytoy, imbinglay ni Sonza a makarikrikna daytoy iti asthma attacks isu’t gapunna a naituding nga agpataming daytoy ita nga aldaw. //bombokarenc.s.
