Innaklon ni President Ferdinand “Bongbong” Marcos Jr. a kayatna a maadaan iti aktibo nga akem iti administrasyon ni sigud nga Interior secretary Benhur Abalos Jr.
Sigun kenni President Marcos Jr., tuloy-tuloy ti ipapaay ni Abalos a tulong iti baet nga imikkat kas dadaulo ti Department of the Interior and Local Government (DILG) idi 2024.
“Of course he has been there and he had been helping us in many ways, informally, privately. I wouldn’t mind finding a way for him to help us in an official capacity,” sigun kenni President Marcos Jr.
Iti baet dayta, inlawlawag ni President Marcos Jr. a no agsubli ni Abalos iti gobierno, saanna kayat a sawen nga adda ti sukatanna iti posisyon.
Maipalagip nga immikkat ni Abalos iti nasao nga ahensiya idi nagkandidato kas Senator idi 2025 midterm elections ngem naabak.
Immuna metten nga inyunay-unay ni Palace Press Officer Undersecretary Claire Castro nga awan ti napagsaritaanda iti espekulasion a sukatan ni Abalos wenno ni sigud a senator Antonio Trillanes IV ti agdama a DILG Sec. a ni Jonvic Remulla.
