Maatap a saan paylaeng a nagsubli iti pagilian a Pilipinas ni sigud a Department of Public Works and Highways (DPWH) Secretary Manuel Bonoan, manipud sadiay Estadus Unidos.
Immuna a kinuna ni Bonoan nga agsubli daytoy iti pagilian iti Disiembre 17, 2025.
Nagturong daytoy iti Estadus Unidos idi Nobiembre 11 via Taiwan tapno kadwaenna ti asawana a maipasidong iti medical procedure.
Sigun kenni Bureau of Immigration (BI) Spokesperson Dana Sandoval, saan paylaeng a dimaldalan ni Bonoan iti anya man nga immigration counter iti airport ken sangladan ti pagilian.
Kabayatanna, awan paylaeng ti kaso a sangsangwen ni Bonoan.
Nupay kasta, maysa daytoy nga inrekomendar ti Indepedent Commission for Infrastructure (ICI) a mapilaan iti kaso gapu iti naibutaktak a korapsion iti flood control project, bayat a daytoy ti nakatugaw kas Secretary ti DPWH.
