Impakaamo ni Justice Secretary Jesus Crispin Remulla a ni sigud a Negros Oriental representative Arnolfo “Arnie” Teves Jr. a sumangsango kadagiti nagduduma a kaso iti pagilian ket sitatalinaed pay laeng sadiay Timor-Leste.
Sigun kenni Remulla nga idi Disyembre idi napalabas a tawen pinababoran ti Timor-Leste Court of Appeal ti kiddaw ti pagilian a panakaisubli ni Teves iti Pilipinas ngem urayenda paylaeng iti update iti nasao a banag.
Kinuna ni Remulla a kasla “endless” wenno saan a malmalpas ti panakaiproseso ti apela dagitoy ngem mangnamnama daytoy a makaalada iti impormasyon iti daytoy.
Immuna met a naipaay ti extradition ni Teves idi Hunyo idi napalabas a tawen nopay kasta, immapela ni Teves.
Maipalagip a dagiti kaso a sangsangoen n Teves ket alleged murder kenni daydi Negros Oriental governor Roel Degamo ken daduma pay.
