Kinarit ni sigud a President Rodrigo Duterte ti International Criminal Court (ICC) a sumangpetda iti pagilian a Pilipinas iti kabiitan a panawen nu sadino mabalin nga inton bigat tapno imbestigaranda ti maatap a krimen daytoy maipapan iti anti-drug campaign kabayatan ti administrasyonna.
Sigun kenni Duterte kabayatan ti House QuadComm, ti nasao a pakaseknan ket nabayag a nakabinbin rason a nasken nga imbestigaranda a dagus daytoy gapu ta posible a matay daytoy ket saan pay a narugrugian ti imbestigasyon.
Impeksa ti sigud a presidente a silulukat met daytoy a sumango kadagiti consequences ti International Criminal Court (ICC) investigation kas iti panakakulongna iti tunggal biyag nu mapaneknekan a guilty daytoy.
Manarimaan metten ti panagimbestigar ti International Criminal Court (ICC) kenni Duterte ken dagiti daduma a top officials a maatap a nanglabsing iti human rights gapu ta mapatta-patta a dumanon iti 30-K a katao ti pimmusay iti kampanya kontra iti iligal a droga, nangatngato nu idilig iti adda iti rekord dagiti pulis a dumanon iti 6-K a katao.
