--Ads--
Sinentensyaan iti korte idiay Paris ti sigud a presidente iti France a ni Nicolas Sarkozy iti lima a tawen a panakaibalud kalpasan a napaneknekan a nagbasol iti criminal conspiracy mainaig iti minilmilyon a balor iti illicit funds manipod iti pimmusayen a Libyan leader a ni Col Muammar Gaddafi
Nu maiturong ni Sarkozy iti pagbaludan,daytoy ti kaunaan a presidente iti modern France a maibalud.
Malaksid iti dayta, napagmulta pay daytoy iti 100,000 euros ken napawilan nga agtugaw iti parapubliko nga opisina.
Nupay kasta, patien ni Sarkozy a ti kaso a sangsangwenna ket politically motivated.
Immunan a simmango daytoy iti sabali pay a kaso kas iti passive corruption ken illegal campaign financing ngem nalusutanna ti panakaibaludna koma.
