Inakusaran ni sigud a presidential spokesperson Harry Roque ti House of Representatives kas “power trippers”, kasaruno ti arrest order a naipulog kontra kenkuana kalpasan a na-cite in contempt manen daytoy.
Sigun kenni Roque, saanna a bigbigen ti arrest order nga impaulog ti quad committee ti lower chamber, nu sadino kinunana a sumuko laeng daytoy no ibilin ti Korte Suprema.
Impaganetgetna pay a saan daytoy a pugante gaputa naglabsing iti linteg, nu diket pugante laeng daytoy iti kongreso.
Patien ni Roque nga ilegal ti bilin ti Kongreso, apaman a salungasingen daytoy ti pannakabalinna ken agbalin a guilty iti abuse, power ken grave abuse of discretion amounted to lack of jurisdiction.
Maipalagip a na-cite in contempt manen ni Roque, kalpasan a maulit-ulit saanna nga inkankano ti subpoena ken ti saanna a panangisubmitir iti Statements of Assets, Liabilities ken Net Worth na manipud 2016 angingga 2022.
Iti agdama, agtultuloy ti panakaimbestigar ni Roque gapu iti mapapati a koneksionna iti Philippine offshore gaming operators (POGO), nu sadino agtaltalinaed a pagliblibakanna daytoy.
Iti agdama, saan pay a nasarakan ni Roque tapno maiserbi ti warrant of arrest daytoy, nu sadino impaganetgetna a saanna nga isuko ti wayawayana.
