Sinentensiaan ti maysa a korte ti Pakistan ti sigud a naibalud a ni former Prime Minister Imran Khan iti sangapulo ket uppat ken pito a tawen a pannakaibalud kalpasan a natakuatan a “guilty” wenno nakabasol iti kaso a “corruption.”
Naakusaran ti agassawa a nangawat iti sagut a daga manipud iti maysa a real estate tycoon a kasukat ti kuarta idi agturturay ni Khan.
Pinaglibakan amin ni Khan ti pammabasol ken kinunana a ti reklamo kontra kenkuana ket aramid dagiti kalabanna tapno saan a makasubli iti opisina.
Ni Khan, a napapanaw iti no-confidence vote iti parlamento idi Abril 2022, ket sigud a nasentensiaan gapu iti kaso metlaeng a “corruption,” panangipablaak kadagiti opisial a sekreto ken panaglabsing kadagiti linteg ti panagasawa iti tallo a nagsisina a sentensia ken nasentensiaan iti 10, 14 ken pito a tawen a nagsasaruno.
Iti sidong ti linteg ti Pakistan, ni Khan ket agserbi iti tawen a nadakamat nga aggigidan.
