Kinarit ni sigud a senator Leila de Lima ni President Ferdinand “Bongbong” Marcos nga agaramid daytoy ti wagas tapno mapasardengna ti maipapan ti war on drugs iti pagilian gapu ta daytoy ket maysa a “failure.”
Sigun kenni De Lima kabayatan ti 67th session ti United Nations Commission on Narcotics Drugs sadiay Vienna, adda ladta ti mapaspasamak a pamapatay iti pagilian gapu iti war on drugs gapu iti dayta kasapulan ti kaskenan nga aksyon tapno malapdan daytoy.
Impeksa daytoy ti senadora kagiddan ti ar-aramiden ti International Criminal Court (ICC) a panag-imbestigar maipapan iti mapatta-patta a panag-abuso ,ni sigud a President Rodrigo Duterte maipapan iti war on drugs.
Kabayatanna, immuna nga impeksa ni President Marcos Jr. a saan a makipaset ti pagilian maipapan iti imbestigasyonda iti nasao a banag agsipud ta maysa daytoy a pangta iti soberanya ti pagilian.
