Nagreklamo ti maysa a sigud a Volunteer worker ti Office of the Senior Citizen Affairs (OSCA) gapu iti maatap nga anomalya iti panagala ti ID dagiti Senior Citizen iti siudad ti Baguio.
Sigun iti sigud a Volunteer worker ken senior citizen a karaman iti OSCA, nagrugi dagitoy a nag trabaho idi July 2025 ken na idesignarda nga iyakomodar dagiti agpaaramid ti ID ken dagiti agpabaro ti ID.
Kinunana nga imbilin ti dua a babae nga agtratrabaho iti OSCA nga agsingerda iti P105 tunggal senior citizen nga agpaaramid ti ID kasta met kadagiti agpabaro.
Sigun iti saan a nagpabigbig a maseknan, nabilinda nga iremitda dagiti masingiranda kadagitoy.
Nagtulnog dagitoy iti nasao a pammilin gaputa sigun kenkuana, volunteer worker laeng dagitoy.
Nupay kasta, maysa a senior citizen ti nagreklamo gapu iti panagsinger dagitoy idi September 23, 2025 no sadino kwenstionaranna ti panagsinger dagitoy.
Dagiti laeng agpabaro ti ID ti adda ti bayad na P100 kas maibasar iti ordinansa nga insakad ni Councilor Elmer Datuin idi 2023.
Nagsiddaaw met ti nasao nga volunteer worker gapu ta ti imbilinda kadakwada ket amin nga agpa-ID ket masinger ti P105 a maatap nga awan ti resibo.
Kinuna pay ti sigud a volunteer worker ket napan daytoy iti CSWDO tapnu iyuman ti nasao a banag ngem isu pay kano ti inungtanda, inngatona ti naso a reklamo iti mismo a DSWS ket naadaan ti Case Dialog ti OSCA ken napag nunumuan a mai-refund amin a 1st time applicant ti senior Citizen ID ngem agingga ita ket awan pay ti naire-fund.
Sipud naireport ti nasao a pakaseknan, saandan nga agsingsinger kadagiti first time ID applicants.
Innayon pay ti sigud a volunteer worker nga adda ti 905 a nasingerda kabayatan ti panag trabaho da manipod July to September 2025.
Impetteng daytoy a dumanon iti agarup P90,000 ti nairemitda iti dua a babae a saanan ninaganan nga agtra-trabaho iti OSCA.
Sigun iti sigud a volunteer, dumanon iti 3,365 ti nasinger daytoy a free of charge kuma kadagiti 1st time nga agpaaramid iti ID.
Naiyasideg metten daytoy nga issue iti City Council ngem agingga ita ket awan pay ti updateda.
Innayon ti maseknan a maatap a bawbawasan dagiti dua a babae ti sueldo dagitoy bayat a dagiti dua a babae a saanna nga inaganan ket makaaw-awat iti kompleto a sueldo iti baet a maatap nga adu ti absent dagitoy.
Iti agdama, saanen nga agtra-trabaho ti nasao a sigud a volunteer worker a maysa met laeng a senior citizen.//Bombo Jerwin Aquino
