Pinaglibakan ni sigud nga Assistant Secretary Irmina “Muking” Espino ti Office of the Special Assistant to the President (SAP) idi nga indauluan ni Christopher “Bong” Go ti panangipaulogda iti kuarta kas gunggona kadagiti opisial ti PNP a nangpapatay kadagiti drug suspects bayat ti administrasion ni sigud a President Rodrigo Duterte .
Daytoy ket sungbatna iti pammabasol a kinuna ni retired police Colonel Royina Garma a nangiwaras daytoy ti kuarta.
Sigun pay kenni Espinosa, awan ti aniaman nga ammona iti panangiruar ti “boss” daytoy a ni Go iti kuarta para iti rewards system wenno maipapan kadagiti statement ni Duterte a mangted daytoy iti funding support kadagiti operasion dagiti kameng ti pulisya, pakairamanan ti gungguno.
Para kenni Espino, dagiti ammona laeng ket dagiti precinct commanders a mangisubmitir iti kiddaw kenni daydi Davao City Mayor Duterte para iti funding support para kadagiti office supplies.
Maipalagip a nagtestimonia ni Garma iti sanguanan ti QuadComm a ti cash reward a maibaybayad iti tunggal pammapatay iti war on dugs ti administrasion ni President Duterte ket manipud P20,000 agingga iti P1 million.
