--Ads--
BAGUIO CITY – Nakemmeg ti maysa a sigud nga SK kagawad ditoy siudad ti Baguio iti buy-bust operation nga insayangkat dagiti otoridad sadiay Gov. Pack Barangay idi rabii.
Nabigbig daytoy a ni Carl John Soriano, 22-anyos, residente ti nasao a lugar.
Nakumpiskar kenkuana ti dua a pakete ti maatap a shabu nga aggatad ti P3,400 ken agdagsen ti lima a gramo.
Gapu iti daytoy, sumango ni Soriano iti kaso a panaglabsing iti RA 9165 wenno ti Comprehensive Dangerours Drugs Act of 2002.
