BAGUIO CITY – Kangrunaan a sangsangwen dagiti dadduma a tattao iti siudad ti Baguio ti “simple anxiety” ken “Simple depression”.
Gapu iti dayta, inyunay-unay ni Dr. Celia Flor Brilliantes, Head ti City Health Services Office (CHSO) ti siudad ti Baguio a napateg nga ipaayan ti atension ti mental health, nangruna ita nga adu ti mapaspasamak a karit iti pagilian.
Iti interview ti Bombo Radyo kenkuana, kinunana nga adu a tao ti malidayan gapu iti didigra a mapaspasamak, isyu iti gobierno ken dadduma pay a pakaseknan iti pagilian.
Gapu iti dayta, impettengna a kasapulan a maipangpangruna ti atension iti mental health.
Kabayatanna, impakaammo ni Dr. Brilliantes a nagsubli ti trauma dagiti natataengan iti siudad ti Baguio gapu iti napasamak a ginggined.
Impeksana a kabayatan ti krisis ket kadawyan a makapaspasar ti tao ti psychological distress.
Nupay kasta, maikkat metlaeng daytoy kalpasan ti krisis.
Iti baet dayta, makapasar dagiti dadduma iti mental disorder no saan a naisubli ti normal a mental health dagitoy, isu’t gapuna a kasapulan ti counseling ken maipaayan pay dagitoy ti agas iti kanito nga agbalinen a disorder ti mental health distress.
Gapu iti dayta, impetteng ni Dr. Brilliantes a napateg a pagtalinaeden ti mental health kas metlaeng ti physical health.//mp4
