Agtultuloy a maipapaay iti publiko dagiti sinak-sako a nateng manipud kadagiti mannalon iti probinsiya ti Benguet.
Daytoy ket babaen iti proyekto ti 2nd Benguet PMFC a “Project Pacdaw”.
Sigun kenni PLTCOL Marvie Amilao, Force Commander ti 2nd Benguet PMFC, kadawyan a maipadpadawat ti sangapulo agingga 20 a sako ti nateng.
Impeksa ti opisyal a kadawyan nga agtataud dagiti nateng iti La trinidad Trading post, Benguet Agri-Pinoy trading center ken Bahingawan no sadino, saanen a mailako dagiti mannalon.
Impeksa ni PLTCOL Amilao, maiturong dagiti sumagmamano a nateng sadiay La Union, malaksid iti strawbrrey farm, ospital, dagiti apektado ti bagyo ken daduma pay.
Ti nasao a proyekto ket nangrugi kabayatan ti pandemya aginggana tatta a mapaspasaran ti krisis.
Maitunos daytoy iti motto ti PNP a S.A.F.E wenno Seen, Appreciated and Felt by the people through Extraordinary actions”.
Iti sabali a bangir, agtultuloy ti panagwanawan ti Benguet 2nd Mobile Force Company iti linak ken kapya iti masakupan dagitoy.//Bombo Noveh Organo
