--Ads--
Agtaltalinaed a parikut kadagiti umili ken kadagiti byaheros ti sinking area sadiay Poblacion, Bauko, Mountain Province gapu iti kinarigso daytoy.
Iti pannakiuman ti Bombo Radyo kenni Ela Mae Membrere, Local News Correspondent sadiay Bauko, Mountain Province, kinunana a narigatan dagitoy a nakaawid gapu ta one-way traffic laeng daytoy ken saan pay a makadalyasat dagiti bus.
Gapu iti dayta, kinunana a nagnagna dagiti pasaheros tapno laeng makaballasiw dagitoy sakbayda a nagtransfer kadagiti naguray a lugan iti bangir a kalsada.
Sigun kenkuana, bumabbaba latta daytoy iti baet a saan nga agtudtudo.
Innayonna a pinunduan metten daytoy ti gobierno ngem kaskasdi latta nga agingga ita ket parikut latta dagiti byaheros nangruna ita a panagtutudo.
