BAGUIO CITY – Dumanon iti siyam a kaso ti dengue ti nairekord iti uppat a central barangays iti Bontoc, Mt. Province bayat a walo a barangay ti nakailista iti 11 a kaso ti typhoid fever idi laeng bulan ti Mayo iti agdama a tawen.
Sigun ken Nurse I Venous Faith Cofulan manipod Mainit Municipal Health Office, nairekord sadiay Barangays Caluttit, Samoki, ken Bontoc Ili iti sag dua a kaso ti denggue bayat a nailista ti tallo sadiay Barangay Poblacion.
Kabayatanna, nailista met sadiay Barangay Samoki, Bontoc Ili, Maligcong, Mainit, Guina-ang, ken Talubin iti saggaysa a kaso ti typhoid fever bayat a nailista sadiay Barangay Poblacion ti dua a kaso ken tallo sadiay Barangay Caluttit.
Gapu iti dayta, dagus a nangitpatungpal ti Municipal Health Office (MHO) iti Information Education and Communication (IEC) Campaign seknan iti sakti a Dengue ken Environmental Sanitation kadagiti Barangay pakairamanan ti Can-eo ken Tocucan.
Nangipatungpal pay dagitoy iti “Oplan Taob” activity sadiay Barangay Poblacion ken Samoki.
Pinasetan met daytoy dagiti nagannak, manursuro, opisyal ti barangay, Barangay Health Workers (BHWs), Rural Health Midwives, DOH-Human Resources for Health, SK officers, ken personels ti MHO.
